المجلس الرئاسي يعين اللواء حسن أبوزريبة قائداً لـ جهاز دعم الإستقرار

المجلس الرئاسي يعين اللواء حسن أبوزريبة قائداً لـ جهاز دعم الإستقرار

عيّن المجلس الرئاسي سعادة اللواء حسن أبوزريبة قائداً لـ جهاز دعم الإستقرار ووجه اللواء حسن كلمة لأهالي طرابلس العاصمة قال فيها :

"إلى أهلنا في طرابلس الحبيبة...

نطمنكم إن العاصمة في عيوننا، وأمنها واستقرارها أمانة في رقابنا. وجودنا اليوم مش تهديد، ولا استعراض قوة، بل هو عهد نقطعوه على أنفسنا إننا نحموا أرزاق الناس، ونوقفوا العبث، ونخلوا المواطن يحس بالأمان في بيته وفي شارعه.

نعرفوا إن الناس تعبت، وتبي تعيش في هدوء وسلام، وهادا بالضبط اللي جينا نشتغلوا عليه. ما عندناش أجندات، ولا نسعى لمناصب... إحنا جينا نخدموا وطن، ونردوا الهيبة للدولة، واحترام القانون.

لكم منا كل الاحترام، وكل خطوة لنا في طرابلس راح تكون في وضوح، وفي إطار القانون، وبالتنسيق مع الجهات الرسمية. العاصمة لكل الليبيين، وأمنها أولوية فوق كل شيء."

أخوكم: حسن أبوزريبة

رئيس جهاز دعم الاستقرار